天涯社区

Neidio i'r prif gynnwys Logo Cyngor Sir y Fflint

Fel llawer o sefydliadau ledled y byd, rydym ar hyn o bryd yn cael ein heffeithio gan doriad byd-eang Microsoft 365. Mae hyn yn achosi tarfu ar rai o'n systemau a'n gwasanaethau, gan gynnwys e-byst (Outlook).

Mae ein timau TG yn ymwybodol o'r mater ac yn monitro cynnydd Microsoft yn agos wrth iddynt weithio i adfer y gwasanaeth i'r arfer. Ymddiheurwn am unrhyw darfu neu oedi wrth ymateb a allai ddeillio o hyn, a diolch am eich amynedd tra bod Microsoft yn datrys y broblem.

Bydd diweddariadau pellach yn cael eu darparu yma cyn gynted ag y bydd mwy o wybodaeth ar gael.

Alert Section

Eich Hawliau a'r Gymraeg

Mae gan bob un ohonom yr hawl i ddefnyddio’r Gymraeg.

Fel siaradwyr a dysgwyr Cymraeg, gadewch i ni wneud y mwyaf o’n hawliau a dewis yr iaith.

Mae Cymru’n wlad ddwyieithog, gyda’r Gymraeg a’r Saesneg yn cael eu defnyddio yn ein bywydau bob dydd ac mewn mannau gwaith. Mae gan y Gymraeg statws swyddogol yng Nghymru, sy’n golygu bod y Gymraeg yn gyfartal â’r Saesneg a bod pobl i fod i allu byw eu bywydau drwy gyfrwng y Gymraeg. Mae deddfwriaeth i wneud yn siŵr bod hyn yn digwydd. 

Mae’n rhaid i bob corff cyhoeddus gydymffurfio â Safonau’r Gymraeg, mae’r rhain yn dweud wrthym beth y mae’n rhaid i ni ei wneud yn y Gymraeg ac yn cael eu hegluro mewn Hysbysiad Cydymffurfio.

Nod y Safonau yw i barhau a datblygu gwaith Cynlluniau Iaith Gymraeg:

  • gwella'r gwasanaethau y gall siaradwyr Cymraeg ddisgwyl eu cael gan sefydliadau yn y Gymraeg
  • cynyddu'r defnydd y mae pobl yn ei wneud o wasanaethau Cymraeg
  • ei gwneud yn glir i sefydliadau yr hyn sydd angen iddynt ei wneud o ran yr iaith Gymraeg

Mae pump o gategorïau o ran Safonau yn ein Hysbysiad Cydymffurfio:

  • Safonau Darpariaeth Gwasanaeth - gwneud yn siŵr ein bod yn darparu gwasanaethau drwy gyfrwng y Gymraeg. 
  • Safonau Llunio Polisïau - gwneud yn siŵr ein bod yn ystyried effaith ein penderfyniadau ar gyfleoedd pobl i ddefnyddio’r Gymraeg a thrin y Gymraeg yn gyfartal â’r Saesneg. 
  • Safonau Gweithredu - gwneud yn siŵr bod ein gweithwyr yn gallu defnyddio’r Gymraeg yn eu gwaith.  
  • Safonau Hyrwyddo - cynyddu nifer yr unigolion sy’n defnyddio’r Gymraeg ac yn siarad Cymraeg yn y Sir. Darllenwch ein Strategaeth 5 mlynedd i Hyrwyddo’r Gymraeg.
  • Safonau Cadw Cofnodion - gwneud yn siŵr ein bod yn casglu a chofnodi gwybodaeth benodol a chreu adroddiadau blynyddol ar sut yr ydym wedi cydymffurfio efo’r Safonau.   

Os ydych chi eisiau gwneud cwyn am gydymffurfiaeth Cyngor Sir y Fflint gyda Safonau’r Gymraeg defnyddiwch Weithdrefn Gwynion y Cyngor. 

Welsh Dragon