ÌìÑÄÉçÇø

Newyddion Diweddaraf Cyngor Sir Y Fflint

Ymgynghoriadau cyhoeddus wedi’i gynllunio am Gynlluniau Creu Lleoedd ar gyfer y Fflint a’r Wyddgrug

Published: 24/02/2026

Mae Cyngor Sir y Fflint ar fin lansio ymgynghoriadau i helpu i lunio dyfodol trefi y Fflint a’r Wyddgrug, ac mae pobl leol yn cael eu hannog i rannu eu barn.

Cynhaliwyd yr ymgynghoriad cam cyntaf ar gyfer y Fflint a’r Wyddgrug yn y gwanwyn 2024 a chafwyd adborth gan fwy na 2050 o bobl leol. Ers hynny, mae’r adborth wedi’i ddefnyddio i helpu i ffurfio datblygiad y Cynlluniau Creu Lleoedd ar gyfer y ddwy dref, diolch i gyllid a gafwyd trwy Gronfa Ffyniant Gyffredin Llywodraeth y DU a menter Trawsnewid Trefi Llywodraeth Cymru.

Mae’r gweithgarwch Cynllun Creu Lleoedd yn cael ei arwain gan Dîm Adfywio Cyngor Sir y Fflint mewn cydweithrediad ag amrywiaeth o wasanaethau eraill y Cyngor a sefydliadau partner allanol. Gwneir hyn mewn ymateb i gais Llywodraeth Cymru i bob awdurdod lleol yng Nghymru sefydlu Cynlluniau Creu Lleoedd ar gyfer eu trefi. Mae angen y cynlluniau hyn er mwyn sicrhau y gall buddsoddiad Llywodraeth Cymru fod ar gael i gefnogi prosiectau adfywio canol trefi.

Bydd Cynlluniau Creu Lleoedd yn nodi gweledigaeth y dyfodol ar gyfer pob tref, yn amlinellu blaenoriaethau a all helpu i wella bywiogrwydd ac atyniad cyffredinol y lleoliad, ac yn ceisio mynd i’r afael ag anghenion y bobl sy’n byw, yn gweithio ac yn ymweld â’r trefi. Mae datblygu’r cynlluniau ar gyfer pob tref yn creu cyfleoedd i amrywiaeth o fudd-ddeiliaid gydweithio’n well er mwyn gwneud gwelliannau.

Y Fflint a’r Wyddgrug yw’r ddau olaf o saith Cynllun Creu Lleoedd i gael eu datblygu, ac mae cynlluniau wedi’u cwblhau ar gyfer Bwcle, Cei Connah, Treffynnon, Queensferry a Shotton. Mae’r Cynlluniau Creu Lleoedd wedi’u datblygu gan ddefnyddio amrywiaeth o setiau data, ymchwil a barn ac adborth gan y cyhoedd. Mae’r cynlluniau ar gyfer y Fflint a’r Wyddgrug yn barod i gael eu rhannu â’r cyhoedd ar gyfer ymgynghoriad pellach cyn cael eu hystyried i’w mabwysiadu gan y Cyngor a’i bartneriaid allanol.

Mae’r ymarfer ymgynghori diweddaraf hwn yn gyfle i aelodau’r cyhoedd weld y cynlluniau drafft, y blaenoriaethau allweddol sydd wedi’u pennu, a’r dull arfaethedig i roi’r cynlluniau ar waith.

Bydd cyfle i’r cyhoedd rannu eu barn trwy arolwg ar-lein a gaiff ei lansio ddydd Gwener 27 Chwefror 2026 a bydd ar gael tan ddydd Llun 16 Mawrth 2026.

Yn ogystal, gall y cyhoedd fynychu unrhyw un o’r sesiynau galw heibio canlynol a gynhelir yn yr Wyddgrug a’r Fflint rhwng dydd Llun 2 Mawrth a 12 Mawrth 2026. Mae cyfle i drafod y cynlluniau drafft a’r blaenoriaethau yn anffurfiol gyda swyddogion Tîm Adfywio’r Cyngor a chynhelir dwy sesiwn ym mhob tref.

Bydd swyddogion o Dîm Adfywio’r Cyngor yn bresennol mewn sesiynau yn Llyfrgell yr Wyddgrug, Ffordd yr Iarll, Yr Wyddgrug, Sir y Fflint, CH7 1AP:

• Ddydd Llun 2 Mawrth 2026: 4.00pm – 6.00pm
• Dydd Mercher 11 Mawrth 2026: 10.00am – hanner dydd

Yn ogystal â’r ddwy sesiwn hon, bydd y deunydd ymgynghori ar gael i’r cyhoedd eu gweld yn Llyfrgell yr Wyddgrug ar y dyddiadau a’r amseroedd canlynol, a bydd cyfle i lenwi arolwg ar bapur a’i roi yn y blwch adborth hefyd:

• Dydd Mawrth 3 Mawrth 2026: 9.00am – 5.00pm
• Dydd Mercher 4 Mawrth 2026: 9.00am – 5.00pm
• Dydd Iau 5 Mawrth 2026: 9.00am – 6.00pm
• Dydd Gwener 6 Mawrth 2026: 9.00am – 5.00pm
• Dydd Sadwrn 7 Mawrth 2026: 9.00am – 1.00pm
• Dydd Llun 9 Mawrth 2026: 9.00am – 6.00pm
• Dydd Mawrth 10 Mawrth 2026: 9.00am – 5.00pm

Bydd swyddogion o Dîm Adfywio’r Cyngor yn bresennol mewn sesiynau yn Llyfrgell y Fflint, Heol yr Eglwys, y Fflint, CH6 5AP:

• Ddydd Mawrth 3 Mawrth 2026: 4.00pm – 6.00pm
• Dydd Iau 12 Mawrth 2026: 10.00am – hanner dydd

Bydd y deunydd ymgynghori ar gael i’r cyhoedd eu gweld yn Llyfrgell y Fflint ar y dyddiadau a’r amseroedd canlynol, a bydd cyfle i lenwi arolwg ar bapur a’i roi yn y blwch adborth hefyd:

• Dydd Mercher 4 Mawrth 2026: 9.00am – 5.00pm
• Dydd Iau 5 Mawrth 2026: 9.00am – 6.00pm
• Dydd Gwener 6 Mawrth 2026: 9.00am – 5.00pm
• Dydd Sadwrn 7 Mawrth 2026: 9.00am – 1.00pm
• Dydd Llun 9 Mawrth 2026: 9.00am – 5.00pm
• Dydd Mawrth 10 Mawrth 2026: 9.00am – 6.00pm
• Dydd Mercher 11 Mawrth 2026: 9.00am – 5.00pm
• Dydd Iau 12 Mawrth 2026: 9.00am – hanner dydd

Caiff cyfleoedd i gymryd rhan yn yr ymgynghoriad eu rhannu trwy’r cyfryngau cymdeithasol a chânt eu rhannu ar dudalen .